Charter Document - 01760170
| Charter Number: | 01760170 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Royal |
| Charter Type(s): | Decree |
| Date: | 1302 - 1303 |
| Date type: | Assigned |
| Resource Link(s): |
|
Charter:
Rex dilectis et fidelibus suis vicecomiti Norht et Hugoni Wake ad auxilium quadraginta solidorum nobis de singulis feudis militum in regno nostro ad primogenitam filiam nostram maritandam nuper concessum in comitatu predicto levandum et colligendum assignatis salutem Ex parte dilecti nobis in Christo abbatis de Burgo Sancti Petri nobis est ostensum quod cum ipse per cartam celebris memorie domini H[enrici] quondam regis Anglie patris nostri et confirmationem nostram quas inspeximus hanc habeat libertatem videlicet quod ballivi predicti abbatis omnia debita nobis debita in omnibus hundredis ipsius abbatis in comitatu predicto et in omnibus dominiis suis in cuiuscumque balliva sint colligere debeant et respondere per manus suas ad Scaccarium nostrum Ita quod vicecomes vel ballivi nostri inde se in nullo intromittant ac predecessores ipsius abbatis tam huiusmodi auxilia quociens aliquibus progenitoribus nostris regibus Anglie fuerint concessa quam alia debita nobis et eisdem progenitoribus nostris debita in hundredis et dominiis suis predictis a tempore confectionis carte et confirmationis predictarum semper hactenus per ballivos suos proprios colligere levare et nobis inde ad Scaccarium predictum respondere consueverint Vos licet idem abbas huiusmodi auxilium tenentes suos de feodis militar que tenent in hundredis et dominiis predictis ratione dicte concessionis nobis facte contingens ab eisdem tenentibus per ballivos suos proprios colligere levare et nobis inde respondere sicut hactenus fieri consuevit sic paratus tenentes tamen predictos pro huiusmodi auxilio vobis ad opus nostrum prestando graviter distringit is ipsum abbatem et ballivos suos super hoc impediendo minus juste in ipsius abbatis et ecclesie sue predicte prejudicium manifestum et contra tenorem carte et confirmationis predictarum Nolentes igitur eidem abbati aut dicte ecclesie sue per nos prejudicari in hac parte vobis mandamus quod si ita sit tunc predictum abbatem dictum auxilium de tenentibus suis predictis per ballivos suos proprios colligere et levare et nobis inde ad Scaccarium nostrum respondere permittatis juxta tenorem carte et confirmationis predictarum et prout huiusmodi auxilia semper hactenus per abbates eiusdem loci et ballivos suos in hundredis et dominiis predictis colligi et levari consueverunt et nobis inde respondere Teste me ipso apud Sanctum Albanum []