Charter Document - 01760166
| Charter Number: | 01760166 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1302 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presens scriptum visuris vel audituris Godefridus permissione divina abbas de Burgo Sancti Petri et eiusdem loci conventus salutem in Domino sempiternam Noverit universitas vestra quod nos unanimi assensu et voluntate tenore presentium manumittimus Ricardum filium Willelmi filii Walteri de Fiskerton cum tota sequela sua et peculio suo plenam libertatem sibi et sequele sue concedentes Ita quod nec nos ne successores nostri in ipso Ricardo nec ipsius sequela peculio nec catallis aliquid servitutis inposterum clamare vel exigere poterimus In cuius rei testimonium presentibus sigilla nostra sunt appensa Datum in capitulo nostro die Lune proxima post festum translationis sancti Benedicti abbatis anno Domini millesimo tricentesimo secundo