Charter Document - 01760165
| Charter Number: | 01760165 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1302 |
| Date type: | Internal, A.D., Calendar |
| Resource Link(s): |
|
Charter:
Reverendo patri in Christo domino J[ohanni] Dei gracia Lincoln episcopo sui humiles et devoti in Christo filii Godefridus eiusdem dono gracie abbas de Burgo Sancti Petri et eiusdem loci conventus salutem cum omni reverencia obedienciam debitam et devotam Sancte paternitati vestre presentamus dilectum filium in Christo fratrem Stephanum de Burgo monachum nostrum latorem presentium ad prioratum monialium sancti Michaelis extra Staunford vacantem qui ad nostram spectat presentationem humiliter supplicantes et devote quatinus ipsum ad eundem prioratum admittatis et in eodem instituere velitis curam si placet prioratus memorati eidem committentes Salvis nobis et successoribus nostris jurisdictione in eodem juxta morem consuetum et obediencia prius canonice inpensa In cuius rei testimonium presentibus sigilla nostra apposuimus Datum in capitulo nostro v idus Aprilis anno Domini millesimo tricentesimo secundo