Charter Document - 01760162
| Charter Number: | 01760162 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Promise |
| Date: | 1302 |
| Date type: | Internal, A.D., Feast |
| Resource Link(s): |
|
Charter:
Universis Christi fidelibus presens scriptum obligatorium visuris vel audituris frater Godefridus permissione divina abbas de Burgo Sancti Petri ordinis sancti Benedicti et eiusdem loci conventus salutem in Domino sempiternam Noverit universitas vestra nos teneri et firmiter obligari fratri Willelmo de Lamore magistro militie Templi in Anglie et successoribus suis in ducentis marcis bonorum et legalium sterlingorum quas confitemur nos ab eodem magistro ex causa mutui recepisse et habere in pecunia bene numerata et ponderata ad ardua et communia domus nostre negotia facienda Quas quidam ducentas marcas bona fide promittimus et tenemur soluere et reddere dicto magistro vel successoribus suis aut eorum certo nuncio vel procurator presens scriptum nostrum restituenti apud Novum Templum London in quindena festi sancti Michaelis proxima futura sine aliquam contradictione vel fraude aut ulteriori dilatione Et ad hoc observandum obligamus nos et successores nostros et domum nostram ac eciam omnia bona eiusdem mobilia et immobilia presentia et futura in quibuscumque comitatibus et locis Anglie sive infra libertatem sive extra fuerint inventa districtioni et cohercioni cuiuscumque judicis ecclesiastici sive seculari quem dictus magister vel successores sui duxerint eligend et eciam districtioni quorumcumque ballivorum domini regis et aliorum dominorum Ita videlicet quod dicti judices et ballivi domum nostram et omnia maneria ea annexa licite ingredi possint et nos per omnia bona in eisdem inventa artare usque ad plenam satisfactionem debiti memorati et dampnorum ac expensorum predicti magistri et successorum suorum si que vel quas sustinuerint aut fecerint pro de falto solutionis predicte pecunie quod absit ad terminum prelibatum Renunciamus in premissis insuper omnibus privilegiis et litteris apostolicis regiis protectionibus statutis et prohibitionibus omnibus libertatibus immunitatibus omnibus eciam cavillationibus et omnibus auxiliis et remediis que nobis contra presentem obligationem aut aliquem eiusdem articulum prodesse poterunt et in fraudem predictorum magistri et successorum suorum redundare In cuius rei testimonium huic scripto sigilla nostra apposuimus Datum in capitulo nostro die Lune in festo sancti Gregorii pape anno Domini millesimo tricentesimo primo