Charter Document - 01760158
| Charter Number: | 01760158 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Quitclaim |
| Date: | 1302 |
| Date type: | Internal, Feast, Regnal |
| Resource Link(s): |
|
Charter:
Universis Christi fidelibus ad quos presens scriptum pervenerit Thomas filius Johannis de Wengham de Burgo Sancti Petri salutem in Domino sempiternam Noveritis me pro me et heredibus meis remisisse et omnino quietum clamasse domino Godefrido abbati de Burgo Sancti Petri et eiusdem loci conventui totum jus meum et clamium quod habui seu aliquo modo habere potui in quadam serjauntia unius coci que vocatur withecok in coquina conventuali abbatie de Burgo Sancti Petri unde placitum assise nove disseisine inter me querentem et predictum abbatem et alios in brevi contentos coram domino Willelmo Ingge et sociis suis justiciariis domini regis ad assisas in comitatu Norht capiendas assignatis motum fuerat Ita quod nec ego nec heredes mei nec aliquis nomine nostro aliquid juris vel clamii in prefata serjauntia vel aliquo alio officio in predicta conventuali coquina de cetero exigere clamare seu vendicare poterimus nec debemus inperpetuum In cuius rei testimonium huic presenti scripto sigillum meum apposui Hiis testibus domino Hugone Wake milite magistro Galfrido de Makeseye Johanne de Undele Roberto de Thorp Bernardo de Castr Adam le Aumoner Simone le Botiler Henrico de Ketene et aliis Datum apud Burgum Sancti Petri die Martis in crastino circumcisionis Domini anno regni regis Edwardi filii regis Henrici tricesimo