Charter Document - 01760151
| Charter Number: | 01760151 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1304 |
| Date type: | Internal, A.D., Feast, Regnal |
| Resource Link(s): |
|
Charter:
Universis Christi fidelibus ad quos noticiam hoc presens scriptum pervenerit Godefridus Dei gracia abbas de Burgo Sancti Petri et eiusdem loci conventus salutem in Domino sempiternam Cum dominus Johannes Marmyon miles de nobis et predecessoribus nostris manerium de Ludyngton cum pertinenciis in comitatu Norhamton et eciam alia tenementa in eodem comitatu et in comitatu Linc de feudo nostro tenuerit per servicium trium feudorum militum et sectam ad curiam manerii de Castre de tribus septimanis in tres septimanas et per servicium unius paris calcarum deauratorum ac idem Johannes de mera et libera voluntate sua nobis concesserit quod manerium de Lullinton cum pertinenciis quod est membrum predicti manerii de Ludington quod de eo tenebatur per servicium dimidii feudi unius militis de Johanne filio Thome de Undele possimus recipere et nobis et successoribus nostris inperpetuum appropriare Nos volentes predictum dominum Johannem et heredes suos conservare indemnes concessimus pro nobis et successoribus nostris quod predictus Johannes et heredes sui totum residuum tenementorum predictorum quod de feudo nostro tenuit in ce [] a brevibus predictis sibi et heredibus suis de nobis et successoribus nostris de cetero teneat per servicium duorum feudorum militum et dimidium tantum et per servicium unius paris calcarium deauratorum Ita videlicet quod nec nos nec successores nostri de predicto Johanne seu eius heredibus pro predictis tenementis de cetero sectam ad curiam nostram de Castre nec aliquid aliud servicium preter servicium predictum poterimus exigere clamare seu vendicare inperpetuum Concessimus eciam quod si predictus Johannes vel heredes sui tempore vacationis per ministros domini regis in aliquo graventur seu dampnum incurrerint pro secta curie de Castre seu ratione alicuius alterius servicii dictum manerium de Lullington contingent quod successores nostri omni ad statum creationis abbatis pervenerint prefato Johanni et eius heredibus ad plenam restitutionem dampnorum suorum et expensarum decetero teneantur Preterea concessimus eidem Johanni quod nomen suum et nomen uxoris sue et nomina patris et matris sue et antecessorum suorum et heredum suorum scribantur in maritagio nostro ut specialem tam missarum et orationum quam aliorum beneficiorum in nostro monasterio factorum habeant participatione Et ne hoc factum nostrum a memoria exstancium sive futurorum decidere possit presens scriptum sigillis nostris roboravimus Hiis testibus domino Rogero de Hecham domino Johanne de Bosco militibus domino Roberto Marmyon Johanne de Undele Willelmo de Hoveden Bernardo de Caster Johanne de Shenlebi et aliis Datum in capitulo nostro die Lune proxima post festum sancti Petri ad vincula anno Domini M tricentesimo quarto et anno regni regis Edwardi filii regis Henrici tricesimo secundo []