Charter Document - 01760148
| Charter Number: | 01760148 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Undertaking |
| Date: | 1300 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus ad quos presentes littere pervenerint G[odefridus] permissione divina abbas de Burgo Sancti Petri salutem in Domino sempiternam Noveritis nos teneri et per presentes obligari dilecto nobis in Christo domino Rogero de Hegham militi pro consilio et auxilio suo prius nobis et ecclesie nostre impenso et in posterum impendendo in decem libris sterlingorum ad totam vitam suam de camera nostra de Burgo Sancti Petri annuatim percipiendis ad duos anni terminos videlicet medietatem ad Pascha et aliam medietatem ad festum sancti Michaelis Et predictus dominus Rogerus concessit et fideliter promisit nobis et ecclesie nostre de Burgo Sancti Petri quod erit de cetero consulens et auxilians in omnibus negotiis nos et ecclesiam nostram predictam tangentibus quotiens et quandocumque ad hoc congrue possit intendere In cuius rei testimonium presentibus litteris sigillum nostrum apposuimus Datum apud Burgum Sancti Petri die Sabbati proxima post festum purificationis beate Marie virginis anno regni regis Edwardi vicesimo octavo