Charter Document - 01760147
| Charter Number: | 01760147 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Admission |
| Date: | 1301 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentes litteras visuris vel audituris frater Godefridus permissione divina monasterii de Burgo Sancti Petri minister humiliter salutem in auctore salutis Cum frater Johannes de Repinghale monasterii de Burgo monachus ordinis sancti Benedicti nulla que conjecturari potuit levitate seu temeritate ductus set ut creditur divinitus inspiratus religionem affectaverit artiorem frugem concupiscens vite melioris ac religiosi viri abbas et conventus de Gerndon ordinis Cisterciensis eundem fratrem suo ferventi desiderio moti necnon ex affectione hactenus erga monasterium de Burgo habita specialiter inducti in sua religiosa congregatione recipere sint periti dictum fratrem Johannem ut ordinem Cisterciensem in predicto monasterio de Gerndon libere profiteri valeat et observare de fratrum meorum consilio et assensu licencio per presentes has litteras dimissorias eidem de predictorum fratrum consilio et assensu faciens testimoniales Datum apud Burgum die Jovis proxima ante festum sancti Dunstani archiepiscopi anno gracie M tricentesimo primo