Charter Document - 01760143
| Charter Number: | 01760143 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1301 |
| Date type: | Internal, A.D., Feast |
| Resource Link(s): |
|
Charter:
Universis sancte Matris ecclesie filiis presentes litteras inspecturis vel audituris G[odefridus] permissione divina abbas monasterii sancti Petri de Burgo et eiusdem loci conventus salutem in Domino Noverit universitas vestra quod nos in hac instanti convocatione cleri Linc dioecesis per venerabilem in Christo patrem dominum J[ohannem] Dei gracia Linc episcopum ad diem Lune proximum post festum epiphanie Domini in ecclesia cathedrali Linc facta dilectos in Christo fratrem Willelmum Saleman commonacum et sacristam nostram et magistrum Galfridum de Makes clericum procuratores nostros sub alternatione facimus ordinamus et constituimus per presentes dantes eisdem et eorum cuilibet in solidum potestatem specialem et mandatum speciale nomine nostro et monasterii nostri negotia per venerabilem patrem supradictum dictis die et loco exponenda reverenter audiendi et ea ad honorem Dei efficaciter promovendi tractandi et consentiendi una cum venerabili patre supradicto ipsius ve commissariis ac ceteris in congregatione cleri dioecesis antedicte existentibus faciendi et recipiendi quod utilitati communi ac monasterii nostri de Burgo videbitur expedire Ratum habentes et firmum quicquid iidem procuratores vel eorum alter nomine nostro et monasterii nostri duxerint seu duxerit faciendum in premissis In cuius rei testimonium presentibus sigilla nostra sunt appensa Datum apud Burgum in crastino circumcisionis Domini anno Domini millesimo tricentesimo