Charter Document - 01760142
| Charter Number: | 01760142 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Restoration |
| Date: | 1300 |
| Date type: | Internal, A.D., Calendar |
| Resource Link(s): |
|
Charter:
Johannes permissione divina Linc episcopus dilecto in Christo filio abbati de Burgo Sancti Petri salutem graciam et benedictionem Cum capella beati Thome martiris juxta monasterium vestrum pro effusione sanguinis in extractione quorumdam confugarum ad dictam capellam et inibi existentium pro ecclesiastica immunitate habenda iam pridem temere perpetrata auctoritate predecessoris nostri supposita fuerit interdicto donec dicte persone sic abstracte libertati loci predicti forent congrue restituti eedem que persone impresentiarum sint vel rebus humanis exempte vel que supersunt prefate capelle reddite sue eciam libertate nos dictam capellam a divinis laudibus que inibi ut dicitur fieri consueverunt quantum in nobis est nolentes ulterius manere suspensam ut ipsam munere consecrationis hactenus nullatenus insignitam cum aqua per vos exorcizata associatis vobis aliquibus capellanis pro voluntate vestra cum psalmis primalibus lavare possitis vobis facultatem duximus concedendam interdictum pretactum veris existentibus que nobis ut premittitur sunt suggesta plenius relaxantes Valete Datum apud Edelington ii idus Decembris Anno Domini millesimo tricentesimo