Charter Document - 01760140
| Charter Number: | 01760140 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1300 |
| Date type: | Internal, A.D., Feast, Regnal |
| Resource Link(s): |
|
Charter:
Universis Christi fidelibus presens scriptum visuris vel audituris Godefridus permissione divina abbas de Burgo Sancti Petri et eiusdem loci conventus salutem in Domino sempiternam Noveritis nos de communi assensu tocius capituli nostri concessisse ac dimisisse Johanni filii Thome de Undele clerico triginta acras terre arabilis de dominicis terre in villa de Undele quarum vij acre jacent in campo qui vocatur Holm super le Hulkefurlong et tres acre super le Brakewang et x acre in alio campo versus pontem de Ayston super Smethefeld Et iij acre super le Netherwelles in tercio campo versus Stoks Et vij acre super le Ouerewelles una cum quadam particula prati que vocatur Shakdeles quod continet unam acram et dimidiam et unam rodam Habendas et tenendas eidem Johanni toto tempore vite sue de nobis et successoribus nostris per servicium tresdecem solidorum et iiij denariorum ad quatuor anni terminos usuales solvendorum Et pro hac concessione dictus Johannes nobis reddidit bercariam de la Bigging et quaterviginti et decem acres terre quas habuit ex dimissione domini Willelmi abbatis predecessoris nostri In cuius rei testimonium huic presenti scripto sigilla nostra sunt appensa Datum apud Burgum Sancti Petri die Dominica proxima post festum sancti Mathei apostoli et evangeliste Anno Domini M tricentesimo Et anno regni regis Edwardi filii regis Henrici vicesimo octavo