Charter Document - 01760139
| Charter Number: | 01760139 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1300 |
| Date type: | Internal, A.D., Calendar |
| Resource Link(s): |
|
Charter:
Venerabili in Christo patri W[illelmo] Dei permissione abbati de Malmesbyr generali capitulo ordinis sancti Benedicti Cantuarens provincie presidenti in presenti ac universis et singulis confratribus Dei gracia abbatibus et prioribus et ceteris quibuscumque ordinis predicti in capitulo generali constitutis Godefridus permissione divina abbas monasterii Sancti Petri de Burgo Linc dioecesis salutem et mandatis presidentis cum humilitate obedire Variis et arduis negotiis nos et monasterium nostrum contingentibus prepediti ad generale capitulum hoc instanti festo sancti Mathei apostoli et evangeliste Oxon celebrandum accedere non valentes dilectum in Christo fratrem Petrum de Ketene com monachum procuratorem et excusatorem nostrum ordinamus facimus et constituimus nuncium specialem dantes eidem potestatem generalem et mandatum speciale nomine nostro excusationum causas et absentie allegandi et super hiis fidem canonicam faciendi vobiscum insuper tractandi et consentiendi recipiendi et admittendi necnon faciendi quod natura et qualitas negotiorum in capitulo generali ordinandorum pro utilitate et honestate religionis nostre postulaverint Ratum habentes et firmum quicquid idem procurator noster nomine nostro duxerit faciendum et recipiendum super omnibus in predicto capitulo articulis pertractandis et expediendis In cuius rei testimonium presentibus sigillum nostrum est appensum Datum apud Burgum Sancti Petri octavodecimo kalendas Octobris Anno Domini millesimo tricentesimo