Charter Document - 01760136
| Charter Number: | 01760136 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1300 |
| Date type: | Internal, A.D., Abbot-Prior, Feast |
| Resource Link(s): |
|
Charter:
Universis Christi fidelibus presentes litteras visuris vel audituris Godefridus permissione divina abbas monasterii sancti Petri de Burgo et eiusdem loci conventus salutem in Domino sempiternam Noverit universitas vestra nos caritatis intuitu concessisse dilecto nobis in Christo Roberto de Croyland clerico quinque marcas sterlingorum nomine pensionis annue de camera abbatis ad duos anni terminos percipiendas videlicet ad festum sancti Michaelis triginta tres solidos et quatuor denarios et ad festum Pasche triginta tres solidos et quatuor denarios Et sic singulis annis donec eidem in ecclesiastico beneficio competenti providerimus In cuius rei testimonium presentis litteris sigilla nostra sunt appensa Datum in capitulo nostro die Mercurii in festo beati Johannis baptiste Anno Domini millesimo tricentesimo et anno domini G[odefridi] abbatis primo