Charter Document - 01760135
| Charter Number: | 01760135 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1300 |
| Date type: | Internal, A.D., Abbot-Prior, Feast |
| Resource Link(s): |
|
Charter:
Universis Christi fidelibus presentes litteras visuris vel audituris Godefridus permissione divina abbas monasterii sancti Petri de Burgo salutem in Domino sempiternam Noverit universitas vestra nos caritatis intuitu concessisse dilecto nobis in Christo Johanni filio Gilberti de Cestreton clerico quadraginta solidos sterlingorum nomine pensionis annue de camera nostra ad quatuor anni terminos usuales percipiendos videlicet ad festum sancti Johannis baptiste decem solidos ad festum sancti Michaelis decem solidos ad festum natale Domini decem solidos et ad Pascha decem solidos Et sic singulis annis ad terminum vite nostre vel quousque uberius in ecclesiastico beneficio providerimus eidem In cuius rei testimonium presentibus sigillum nostrum apposuimus Datum apud Burgum Sancti Petri die Lune proxima ante festum beati Johannis baptiste anno Domini M tricentesimo et anno domini G[odefridi] abbatis primo