Charter Document - 01760132
| Charter Number: | 01760132 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1312 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Godefridus Dei gracia abbas de Burgo Sancti Petri et eiusdem loci conventus salutem in Domino sempiternam Noverit universitas vestra nos unanimi assensu concessisse dilecto et fideli familio nostro Thome de London competentem sustentationem in tota vita sua in victu et vestitu in abbatia nostra videlicet unam robam de secta armigerorum abbatis annuatim percipiendam et unum panem album et unum panem bissum et duas lagenas bone cervise de cellario abbatis et unum ferculum integrum cum intermisso secundum varietatem dierum et temporum de coquina eiusdem abbatis cotidie prout libere familie ministratur quamdiu vixerit percipiendos et decem solidos sterlingorum pro calciatura singulis annis quamdiu vixerit de camera predicti abbatis percipiendos videlicet ad Pascha et ad festum sancti Michaelis Concedimus insuper quod predictus Thomas ubicumque fuerit infra abbatia vel extra omnia supradicta libere percipiat et de hiis pro libito suo disponat In cuius rei testimonium huic presenti scripto sigilla nostra sunt appensa Datum in capitulo nostro die Mercurii in crastino conversionis sancti Pauli anno Domini millesimo CCC undecimo