Charter Document - 01760131
| Charter Number: | 01760131 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1308 |
| Date type: | Internal, Feast, Regnal |
| Resource Link(s): |
|
Charter:
Universis sancte matris ecclesie filius pateat per presentes quod cum abbas de Suleby teneretur facere sectam ad curiam abbatis de Burgo Sancti Petri de Castre de tribus septimanis in tres septimanas per se vel per suos attornatos inperpetuum virtute cuiusdam conventionis inter dictos abbates et eorum conventos facte super manerio de Parva Adington cum suis pertinenciis quod dicti abbas et conventus de Suleby nuper adquisiverunt de feodo ipsius abbatis de Burgo Sancti Petri perpetuis temporibus possidendis tandem ad festum Pentecoste in anno regni regis Edwardi filii regis Edwardi primo dicti abbas et conventus de Burgo Sancti Petri volentes parcere laboribus et expensis dicti abbatis de Suleby et successorum eiusdem ac eorundem quieti in hac parte misericorditer providere concesserunt de gracia sua speciali pro se et suis successoribus quod dictus abbas de Suleby et eius successores quieti fuit inperpetuum de predicta secta ad predictam curiam suam de Castre et ipsam predictam sectam remiserunt relaxaverunt et quietum clamaverunt predicto abbati de Suleby et eius successoribus pro se et suis successoribus inperpetuum Pro qua quidem remissione relaxatione et quieta clamatione predictus abbas de Suleby et eiusdem loci conventus concesserunt pro se et successoribus suis teneri dictis abbati et conventui de Burgo Sancti Petri et eorum successoribus in tribus solidis et quatuor denariis sterlingorum solvendis annuatim in festo Pasche balivo suo predicte curie de Castr qui pro tempore fuerit ipsorum nomine inperpetuum Pro quibus quidem iij solidos et iiij denarios si a retro fuerint vel esse contingerent in futurum licebit dictis abbati et conventui de Burgo Sancti Petri et eorum successoribus et eorum ballivis curie predicte qui pro tempore fuerint distringere dictos abbatem et conventum de Suleby et eorum successores in manerio suo predicto de Parva Adington et districtiones retinere quousque de predicto redditu dampnis et expensis si que vel quas occasione dicte solutionis minime facte sustinuerint aut incurrerint absque contradictione seu impedimento predictorum abbatis et conventus de Suleby successorum hominum aut ballivorum suorum quorumcumque ad plenum satisfactionem fuerit eisdem alio scripto conventionali inter eosdem religiosos prius super certis serviciis et juribus confecto predicta secta dumtaxat excepta suo robore inviolabiliter duraturo In cuius rei testimonium parti huius scripti in dentati penes dictos abbatem et conventum de Suleby residenti abbas et conventus de Burgo Sancti Petri sigilla sua apposuerunt et parti penes dictos abbatem et conventum de Burgo Sancti Petri residenti abbas et conventus de Suleby sigilla sua apposuerunt Datum in capitulo domus utriusque in festo Pentecoste prenotato