Charter Document - 01760129
| Charter Number: | 01760129 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1299 - 1305 |
| Date type: | Assigned |
| Resource Link(s): |
|
Charter:
Sciant presentes et futuri quod nos Simon le Fevere de Burgo Sancti Petri et Petronilla Doraunt uxor mea dedimus concessimus et hac presenti carta nostra confirmavimus domino Godefrido abbati de eadem et eiusdem loci conventui pro dimidia marca argenti quam nobis dederunt per manibus capita trium selionum terre nostre in quodam loco qui vocatur Hokettescroft abuttantes super stagnum ipsius abbatis de manerio suo de Burbyri que quidem capita continent in longitudine de predicto stagno versus villam viginti et tres pedes et in latitudine ex utraque parte sex perticatas et duodecim pedes Habenda et tenenda predicta capita trium selionum prefatis abbati et conventui et successoribus suis libere quiete integre bene et pacifice inperpetuum Et nos predicti Simon et Petronilla et heredes nostri antedicta capita cum suis pertinenciis in longitudine et latitudine ut supradictum est predictis abbati et conventui et eorum successoribus warantizabimus acquietabimus contra omnes et defendemus inperpetuum In cuius rei testimonium huic presenti carte sigilla nostra apposuimus Hiis testibus Johanne de Undele Roberto de Thorp Simone de Paston Rogero de Merleye Simone le Botiler Ada le Aumoner Ricardo de Weston et aliis