Charter Document - 01760127
| Charter Number: | 01760127 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Agreement |
| Date: | 1300 |
| Date type: | Internal, Feast, Regnal |
| Resource Link(s): |
|
Charter:
Anno regni regis Edwardi filii regis Henrici vicesimo octavo Die Lune proxima post festum sancti Barnabe apostoli convenit inter dominum Godefridum abbatem de Burgo Sancti Petri et eiusdem loci conventum ex parte una et Robertum de Thorp ex altera videlicet cum idem Robertus tenuit de predictis abbate et conventu quedam tenementa in villa de Burgo Sancti Petri que quondam fuerunt Benedicti Hoket per fidelitatem et servicium novem solidorum et octo denariorum per annum pro omni servicio predictus Robertus dedit eisdem abbati et conventui et ecclesie sue de Burgo Sancti Petri quamdam placeam terre et prati in Hokettescroft de tenemento antedicto sicut bunde inter terras predicti Roberti et placeam illam posite plenius testantur Habendam et tenendam predictis abbati et conventui inperpetuum Pro hac autem donatione predicti abbas et conventus de Burgo dederunt predicto Roberto de Thorp heredibus et assignatis suis sex solidos et quatuor denarios annui redditus de predicto redditu novem solidorum et quatuor denariorum quos eis reddidit pro tenementis Benedicti Hokett antedictis et illum redditum sex solidorum et quatuor denariorum relaxant et quietum clamant de se et successoribus suis eidem Roberto heredibus et assignatis suis inperpetuum Reddendo eisdem abbati et conventui et eorum successoribus quadraginta denarios residuos tocius redditus predicti pro toto tenemento quod fuit Benedicti Hokett ad quatuor anni terminos usuales Ita quod ultra illos quadraginta denarios nullum redditum pro tenementis predictis de cetero clamare poterunt vel vendicare In cuius rei testimonium huic scripto in dentato predicti abbas et conventus parti remanenti penes ipsum Robertum sigilla sua apposuerunt et parti penes dictos abbatem et conventum residenti idem Robertus sigillum suum apposuit Hiis testibus Willelmo de Suthorp Elya de Cantia Thoma de Thorp Ada le Aumouner Simone le Botiler Roberto de Mithingesby clerico et aliis