Charter Document - 01760125
| Charter Number: | 01760125 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Quittance |
| Date: | 1308 |
| Date type: | Internal, A.D., Feast |
| Resource Link(s): |
|
Charter:
Pateat universis quod cum abbas et conventus de Suleby quandoque se obligassent et successores suos ac monasterium suum predictum de Suleby in decem marcis sterlingorum solvendis abbati et conventui de Burgo Sancti Petri et eorum monasterio nomine relevii pro qualibet vacatione dicti monasterii de Suleby per singulos abbates post tunc existentem dicti loci abbatem inibi successive creandos prout in quodam scripto inter dictos abbates et eorum conventus confecto plenius continetur Ac idem abbas de Suleby nunc ut tunc existens licet ad hoc non teneretur ut premittitur cupiens cum ex abundanti future dicti monasterii sui utilitati in hac parte providere solvit et numeravit nobis abbati et conventui de Burgo Sancti Petri decem marcas sterlingorum nomine relevi nobis monasterio nostro suo tempore debiti et pro proximum dicti monasterii de Suleby abbatis nunc existentis successorem abbatem solvendas juxta tenorem scripti supra notati Quas quidem decem marcas nos dicti abbas et conventus de Burgo Sancti Petri fatemur nos de dicto abbatem de Suleby nunc et tunc existente in futuram exonerationem monasterii sui et abbatis eiusdem proxime sibi successur recepisse nomine relevii supradicti ac monasterium suum predictum de Suleby et abbatis eiusdem proximo futurum successorem abbatem tamen de predictis decem marcis modo predicto debitis et solutis acquieta et quietis esse clamamus de nobis et successoribus nostris volumus et concedimus per presentis In cuius rei testimonium presentibus sigillum nostrum [] a cum sigillo prioris nostri est appensum Datum apud Burgum Sancti Petri die Lune in crastino translationis beati Thome martiris anno Domini millesimo tricentesimo octavo