Charter Document - 01760122
| Charter Number: | 01760122 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1300 |
| Date type: | Assigned |
| Resource Link(s): |
|
Charter:
Excellentis religionis viris patri in Christo reverendo ac fratribus amantissimis domino R[icardo] permissione divina abbati Croyland et eiusdem loci com monachis Deo famulantibus G[odefridus] eadem permissione abbas monasterii sancti Petri de Burgo salutem et caritatem perfectam pullulare exstirpatis radicibus detractionis et erroris Clamosa relatione laycorum et aliorum palam accepimus divulgari quod quidem confratres vestri zelo versutie inflammati acerbitatem sevicie in confratrem suum et vestrum presidentis indaginem subvertentes necnon religiosum affectum custodum ordinis et aliorum impedientes cum nimia gravitate nituntur exercere non absque nostre religionis scandalo et oblocutionem multorum Volentes super premissis vestre fraternitatis unitatem mutue religionis et affectionis naturalis intuitu premuniri illicita que conventicula et prosecutiones inordinatas dissolvi vestre religionis celsitudinem in Christo rogamus quatinus fame tocius religionis et vestre prout ordo expostulat discipline regularis parcentes cum debite correctionis mansuetudine huiusmodi proclamatione aliorum remota suavius agere velitis cum afflicto prout culpe qualitas requirit disciplina canonica inoffensa et fraternarum caritatem reformare ut referitur iam dispersam In Christo Jesu valete sicut in consimilibus reformandis si immineret ut quod absit optamus valere