Charter Document - 01760121
| Charter Number: | 01760121 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Collation |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis presentes litteras inspecturis vel audituris G[odefridus] permissione divina abbas monasterii sancti Petri de Burgo salutem in Domino Noveritis nos magistro Hugoni vicario ecclesie Omnium Sanctorum in foro Stannford curam et administrationem hospitalis sancti Thome supra pontem Stannford ac omnium ad dictum hospitale spectantium caritatis intuitu suo perpetuo graciose commisisse Ita quod onera hospitalitati incumbentia solita de jure et consuetudine loci inpendenda fideliter agnoscat et sustineat juxta formam nostre ordinationis et diffinitionis quas idem sponte suscepit sub pena depositionis et amotionis a custodia antedicta prout ex forma submissionis et ordinationis plenius poterit apparere Salvis nobis et successoribus nostris potestate visitandi et corrigendi excessus custodis et aliorum in dicto hospitali commorantium et aliis juribus et libertatibus ad nos et monasterium nostrum de Burgo pertinentibus In cuius rei testimonium presentibus sigillum nostrum apposuimus Datum apud Burgum in festo sanctorum Tyburtii et Valeriani anno Domini M tricentesimo