Charter Document - 01760118
| Charter Number: | 01760118 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Submission |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis presentes litteras inspecturis vel audituris Hugo de Sancto Martino Stannford salutem in Domino sempiternam Noverit universitas vestra quod cum nuper dominus meus Godefridus permissione divina abbas monasterii Sancti Petri de Burgo hospitale beati Thome martyris Stannford cuius custodie per predecessorem eiusdem in monasterio de Burgo extiti sub certa forma graciose deputatus per suos ministros specialiter destinatos et personas in eodem hospitali commorantes ex officii sui debito visitasset ac quosdam defectus notorios indebita cantaria et solita exhibitione elemosina pauperibus et peregrinis impendende necnon sustentatione Roberti Wodefoul conversi in dicto hospitali commorantis per aliquod tempus subtractis per inquisitionem fidelium exabundanti repperisset Volens domino meo et eius jurisdictioni in omnibus parere correctionem et reformationem meorum excessum circa defectus quoscumque personam meam necnon personarum et rerum custodiam dicti hospitalis quomodo libet contingentem subire cum obediencia et suscipere statum meum et dicti hospitalis custodiam rerum pertinenti arum ad illud ordinationi et potestati domini mei abbatis predicti pure et absolute committo me et omnia dicto hospitali adherentia ordinationi eiusdem diffinitioni et decreto funditus submittens Cuius ordinationem reformationem et injunctionem virtute sacramenti mei corporaliter prestiti promitto me inviolabiliter durante custodia mea in hospitali predicto suscepturum sponte et conservaturum sub pena depositionis et amotionis a custodia hospitalis suprascripti In cuius rei testimonium presentibus sigillum meum apposui Datum apud Burgum in vigilia Pasche anno Domini millesimo tricentesimo In presencia domini abbatis magistrorum Thome de Freston et Galfridi de Makeseye Johannis de Undele Roberti de Thorp Bernardi de Castre et Ricardi clerici