Charter Document - 01760108
| Charter Number: | 01760108 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1300 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentes litteras visuris vel audituris G[odefridus] permissione divina abbas de Burgo Sancti Petri et eiusdem loci conventus salutem in Domino sempiternam Noverit universitas vestra nos ad instanciam excellentissimi principis domini E[dwardi] regis Anglie illustris ratione nove creationis prefati abbatis unanimiter concessisse dilecto nobis in Christo magistro Johanni Buysch predicti domini regis clerico centum solidos annuatim percipiendos de camera abbatis qui pro tempore fuerit ad duos anni terminos videlicet ad Pascha quinquaginta solidos et ad festum sancti Michaelis quinquaginta solidos donec eidem in ecclesiastico beneficio competenti providerimus In cuius rei testimonium presentibus sigilla nostra apposuimus Datum in capitulo nostro in crastino conversionis sancti Pauli anno Domini millesimo CC nonagesimo nono