Charter Document - 01760097
| Charter Number: | 01760097 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Petition |
| Date: | 1229 - 1231 |
| Date type: | Assigned |
| Resource Link(s): |
Cambridge University Library - Peterborough Cathedral, MS 1 (f116r,p261) |
Charter:
Dilectissimis in Christo patribus et dominis Ricardo Dei gracia Cant archiepiscopo tocius Anglie primati et apostolice sedis legato eius que suffraganeis A[licia] priorissa sancti Michaelis de Stanford humilis que eiusdem loci conventus salutem et orationes in Christo Jesu In noticiam vestram venire desideramus patres reverendi qualiter clericus quidam nobis et ecclesie nostre specialis amicus in Curia Romana dudum constitutus utilitati domus nostre volens attencius inposterum providere cum super possessionibus nostris canonice adeptis simplicem tantum confirmationem a domino papa debuisset inpetrasse preter mandatum et conscienciam immo contra communem voluntatem capituli nostri in eisdem litteris confirmationis de habenda littera electione priorisse capitulum inferi fecit quoddam quod quidem nobis et ecclesie nostre perniciosum est et dampnosum Presertim cum id aliis privilegiis nostris sit contrarium et cartis aliis quas super fundatione domus nostre ab ipsis fundatoribus habemus Ex huic quidem domini et fundatores nostri abbas et conventus de Burgo rancorem adversus nos et indignationem conceperunt et merito cum sine assensu et voluntate eorum qui locum nostrum fundaverunt et dotaverunt per quos post Deum vivimus nullam electionem priorisse seu institutionem habere debeamus prout ex diligenti inspectione carte eorundem quam super fundatione loci nostri habemus evidenter si placet poteritis cognoscere Preterea quia et alii sunt articuli unde indignationem dominorum nostrorum abbatis et conventus incurrimus ut pote de ecclesiis quas nobis sub certa pensione contulerunt eis annuatim solvenda unde a domino papa confirmationes impetravimus nulla pensionis habita mentione super hoc ipso nos errasse confitemur parate unanimi assensu et hunc et alios articulos eorum arbitrio relinquere corrigendos volentes igitur prout expedit modis quibus possumus in humilitate et omnimoda satisfactione dominorum et fundatorum nostrorum graciam et favorem nobis ad plenum reconciliare mittimus ad pedes vestros Priorissam nostram cum omnibus cartis et privilegiis ecclesie nostre supplicantes attencius quatinus inspectis eisdem cartis et privilegiis omnem contrarietatem amoveatis et nos divine miserationis intuitu in plenitudinem pristine dilectionis et gracie dominorum nostrorum restituatis quia sive ipsis universe non possumus sive suffragiis eorum non potest stare ecclesia nostra nec ordo ibidem institutus observari ut eciam a dominis nostris indignatio adversus nos concepta et omnis nobis tollatur suspicio petimus humiliter et obnixe quatinus rei veritatem quam super hiis vobis scribimus domino pape litteris vestris significare velitis [Valete]