Charter Document - 01760095
| Charter Number: | 01760095 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1155 - 1175 |
| Date type: | Assigned |
| Resource Link(s): |
Cambridge University Library - Peterborough Cathedral, MS 1 (f115v,p260) |
Charter:
Notum sit universis ecclesie filiis quod ego Guillelmus Dei gracia abbas Burgi totum que capitulum dedimus et presentium auctoritate celebrando concessimus religioni sanctimonialium apud Stanford commorantium ecclesiam beati Michaelis in perpetuam elemosinam cum omnibus rebus eidem ecclesie pertinentibus bene et in pace et libere ac honorifice possidendam ob remedium et salutem animarum nostrarum in subjectione nostra et consilio [de] rebus suis tam interius quam exterius disponendis tali quidem tenore quod prelatus qui rebus eiusdem monasterii debet providere domini abbatis dispositione et capituli consilio vel ponetur vel deponetur pari conditione ordinatio priorisse que ceteris in ordine debet preesse in dispositione erit abbatis et capituli consilio Simili modo suscipio sanctimonialium que ibidem Deo deservient ad imperium pendet abbatis et capituli consilium Ipse etenim sanctimoniales et omnium rerum suarum ordinationes sunt modis omnibus in dispositione domini abbatis et capituli ita sane ne propter illius monasterii incrementum monasterium Burgi aliquod rerum suarum detrimentum paciatur Monasterium autem illud recognoscet monasterium Burgi de dimidia marca argenti annua pensione in crastino die post festum sancti Michaelis ad librorum emendationem armario reddenda