Charter Document - 01760083
| Charter Number: | 01760083 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Noverint universi quod ego frater Willelmus permissione divina abbas de Burgo Sancti Petri recepi de domino Galfrido Russel milite estimationem viginti duarum marcarum et dimidiam tam in rebus quibusdam ab eodem receptis quam in relaxatione pecunie facta eidem in partem solutionis pro portione ipsum contingente de quadraginta et quinque marcis quas recuperavi in curia domino regis in Banco versus eundem dominum Galfridum et dominam Aliciam relictam domini Andree Russel militis defuncti pro custodia et maritagio Johannis et Petri filiorum et heredum predicti Andree Russel De quibus viginti duabus marcis et dimidia pro portione dictum dominum Galfridum contingente de predictis quadraginta et quinque marcis versus eundem Galfridum et predictam Aliciam ut predictum est recuperatis profiteor et protestor michi plenaria esse satisfactum salvo michi jure super portione predictam Aliciam contingente de debito supradicto In cuius rei testimonium presentibus sigillum meum apposui Datum apud Burgum Sancti Petri die Veneris proxima post translationem sancti Thome martyris anno regni regis E[dwardi] vicesimo sexto