Charter Document - 01760081
| Charter Number: | 01760081 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1248 |
| Date type: | Internal, A.D., Feast |
| Resource Link(s): |
|
Charter:
Sciant presentes et futuri quod ego Roesia de Doueria in pura viduitate et ligia potestate mea dedi concessi et hac presenti carta mea confirmavi Willelmo Marmyoun filio Roberti Marmioun junior et Lorette filie mee uxori ipsius Willelmi pro homagio et servicio suo totum manerium meum de Ludington cum omnibus suis pertinenciis simul cum feodo militum in libertatibus et in omnibus aliis et quicquid in predicto manerio habui vel habere potui sine aliquo retene mento excepta advocatione ecclesie eiusdem manerii Habendum et tenendum predictis Willelmo et Lorette et heredibus suis de predicta Loretta procreatis de me et heredibus meis inperpetuum libere quiete et pacifice Reddendo inde annuatim mihi et heredibus meis unum par calcarium deauratorum ad Pascha vel sex denarios in curia predicti manerii pro omni servicio mihi et heredibus meis pertinenti Et faciendo capitalibus dominis feodi pro me et heredibus meis omnia alia servicia videlicet tam in warda castri de Rokingham quam in aliis que ad ipsos pertinent Et ego Roesia et heredes mei predictum manerium cum omnibus pertinenciis suis sicut predictum est excepta advocatione ecclesie eiusdem manerii predictis Willelmo et Lorette et heredibus suis de predicta Loretta procreatis per predictum servicium contra omnes homines inperpetuum warantizabimus et acquietabimus Et si forte contingat quod predicta Loretta sine herede de corpore suo procreato decedat totum predictum manerium cum omnibus suis pertinenciis sine aliqua contradictione vel difficultate ipsius Willelmi mihi et heredibus meis integre revertetur In cuius rei testimonium [] Datum ad Pentecost anno incarnationis Domini millesimo CCXLVIIJ