Charter Document - 01760080
| Charter Number: | 01760080 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Appointment |
| Date: | 1298 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis innotescat per presentes quod ego Henricus de Jakele capellanus ad vicariam de Wermyngton Linc dioecesis per religiosos viros abbatem et conventum monasterii sancti Petri de Burgo presentatus in omnibus causis et negotiis principalibus et appellationum me et vicariam dicte ecclesie qualitercumque contingentibus motis seu movendis coram quibuscumque contra quoscumque adversarios meos diebus et locis quibuscumque dilectum mihi in Christo Thomam de Barum clericum procuratorem meum ordino facio et constituo et nuncium specialem dans eidem procuratori meo potestatem agendi et defendendi ponendi et positionibus respondendi replicandi appellandi appellationem seu appellationes prosequendi in animam meam de calumpnia et de veritate dicenda jurandi et cuiuslibet alterius generis sacramentum prestandi status mei reformationem ac in integrum restitutionis beneficium quociens opus fuerit petendi et recipiendi procul loco sui substituendi et substitutum revocandi ac officium procuratoris resumendi Litteras tam de gracia quam de justicia inpetrandi contradicendi nec non in judices consentiendi et omnia alia faciendi que quod modo libet ad predicta pertinent vel ipsa contingunt Rem ratam haberi judicatum solui cautiones pro eodem et eius substituto vel substituendo sub hypotheca rerum expono per presentes In cuius rei testimonium huic procur sigillum meum apposui Et quia sigillum meum est ignotum sigillum domini mei abbatis de Burgo Sancti Petri presentis est appensum Datum apud Burgum Sancti Petri in crastino annunciationis beate Virginis anno Domini MCC nonagesimo octavo