Charter Document - 01760079

Universis presentes litteras inspecturis abbas et conventus de Burgo Sancti Petri ordinis sancti Benedicti Lincoln dioecesis salutem in Domino sempiternam Noverit universitas vestra quod nos in omnibus causis et negotiis principalibus et appellationum quas vel que habemus sue habere speramus cum quibuscumque personis coram quibuscumque et in locis quibuscumque in Curia Romana et ad curiam predictam legitime devolutis et in quibus nos ab homine vel a jure legitime constiterit fore citatos dilectum confratrem nostrum fratrem Johannem de Gretham com monachum nostrum latorem presentium facimus ordinamus et constituimus procuratorem et nuncium specialem dantes eidem procuratori nostro potestatem agendi defendendi excipiendi ponendi positionibus respondendi replicandi appellandi appellatione seu appellationes si quam vel quas seu quivis alius nomine nostro et monasterii nostri interposuerit prosequendi in animas nostras jurandi de calumpnia et de veritate dicenda et prestandi cuiuslibet alterius generis sacramentum crimina et defectus opponendi et illa vel illos contra quoscumque opposita seu oppositos prosequendi status nostri reformationem et in integrum restitutionis beneficium quociens opus fuerit petendi et optinendi principaliter et eciam incidenter alium procuratorem seu alios procuratores loco sui substituendi et substitutum seu substitutos substituendum vel substituendos quandocumque voluerit seu viderit expedire revocandi et officium procuratoris in se resumendi et alia faciendi que quomodo libet ad predictam pertinent vel ipsa contingunt volumus tamen et expresse dicimus quod de causis ad Romanam Curiam pro nobis seu contra nos non legitime devolutis et in quibus ab homine vel a jure legitime citati non existimus Dictus procurator et eius substitutus seu substituti substituendus vel substituendi se nullatenus intermittant nisi in hoc quod possint et debeant articulum tractare utrum causa de qua que ad Romanam Curiam sit legitime devoluta et super articulo ipso tractando expediendo et terminando eidem procuratori nostro et eius substituto seu substitutis substituendo vel substituendis mandatum damus speciale Litteras insuper tam de gracia quam de justicia ecclesiam de Wermyngthon contingentes impetrandi contradicendi necnon in judices consentiendi ratificatis et approbantes expresse omnia et singula acta et gesta et quoscumque processus factos seu faciendos per predictum fratrem Johannem vel eius substitutum vel substitutos substituendum vel substituendos pro eodem eciam procuratori nostro et eius substituto sive substitutis substituendo sive substituendis sub hypotheca rerum nostrorum Rem ratam haberi judicatum solui exponimus cautiones alia procuratoria quibuscumque in Curia Romana existentibus per nos prius facta revocantes et hoc omnibus quorum interest seu per temporis processum poterit interesse significamus per presentes In cuius rei testimonium huic procurator sigilla nostra sunt appensa Datum apud Burgum in capitulo nostro in vigilia annunciationis beate Virginis anno Domini millesimo ducentesimo nonagesimo septimo