Charter Document - 01760078
| Charter Number: | 01760078 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1298 |
| Date type: | Internal, Feast, Regnal |
| Resource Link(s): |
|
Charter:
Noverint universi quod cum magister Henricus Sampson rector ecclesie de Fyskerton tradidisse ad firmam ecclesiam suam predictam magistro Gocelino archidiacono Stowye qui quid archidiaconus ratione predicte ecclesie vendicavit sibi pasturam ad libitum in communa pasture villarum de Fyskerton et de Repham Tandem facta diligenti inquisitione per fide dignos juratos utriusque ville compertum est predictam pasturam ab antiquo fuisse a mensuratam et cuilibet bovate terre certum numerum animalium fuisse assignatum et sic hucusque esse usitatum Sed ad rogatum tam predicti archidiaconi quam predicti magistri Henrici abbas de Burgo Sancti Petri dominus predictarum villarum de gracia sua speciali concessit quod predictus archidiaconus dum fuerit firmarius predicte ecclesie in tempore predicti magistri Henrici possit habere in pastura predicta animalia ultra numerum predictum ita quod non intantum oneret eandem pasturam per quod predictus abbas et tenentes sui pasturam sibi competentem amittant Nec quod aliquis rector ecclesie predicte pretextu dicte concessionis aliquid sibi vendicare possit ultra assistam antiquitus ordinatam In cuius rei testimonium huic scripto in modum cyrograffi confecto sigilla predictorum abbatis et magistri Henrici alternatim sunt appensa Datum apud Burgum Dominica in passione Domini anno regni regis E[dwardi] xxvj Et ad majorem securitatem ad instanciam predictorum abbatis et rectoris sigillum archidiaconatu Stowye in signum probationis est appensum