Charter Document - 01760072
| Charter Number: | 01760072 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Request |
| Date: | 1297 |
| Date type: | Internal, A.D., Calendar, Episcopal |
| Resource Link(s): |
|
Charter:
Robertus permissione divina Cantuar archiepiscopus tocius Anglie primas venerabili fratri in Christo domino O[livero] Dei gracia Linc episcopo salutem et fraternam in Domino caritatem Cum post congregationem per nos London ultimo celebratum moram traheremus ibidem pro arduis expeditionibus rei puplice longiorem cotidianis ac multiplicatis rumoribus pro dolor intelleximus pro constanti quod Scottorum exercitus adeo prodigiosis ac scelerosis actibus contra regnum Anglie et ipsius in colas invalescit quod nisi ipsorum aggressibus citiori remedio resistatur toci regno nostro predicto hostium insidiis sicut scitis undique circumcincta irreparabile detrimentum quod absit poterit imminere propter quod per consilium regis nostri tractans satis anixe super periculis huiusmodi caucius evitandis iam extat unanimiter ordinatum quod comites Warenn Hereford et Essex marescallus Norfolch et Suthfolch Glovernie et Warrewich et dominus Henricus de Percy cum septingentis armaturis strenuorum militum et equitum bellatorum et peditum multitudine copiosa non parcendo discrimini temporum vel viarum versus Novum Castrum super Tynam quod dicti Scotti nunc obsidere et eo pejora ibidem perpetrare dicuntur celerrime dirigant gressus suos quibus fere sex milia marcarum infra duodecim dies et totidem citra Dominicam qua cantatur Letare Jerusalem de decima bonorum ecclesie Anglicane necessario sunt solvenda stipendiis peditum quibus de fisco satisfacienda erit minime computat Nos igitur in tanto necessitatis articulo cum fratribus nostris Lond tunc presentibus nunc huc nunc illuc per nos et nostros sollicite discurrentes et exhausto regis erario cum diversis particularia mutua contrahentes pro prima solutione dictis comitibus facienda personas nostras obligavimus ista vice Quocirca fraternitatis vestre sinceram devotionem requirimus et rogamus ac vos quantum possumus exhortamur quatinus sine omni more diffugio a potentioribus tam religiosis quam clericis secularibus coram vobis si necesse fuerit personaliter accersitis totam decimam exposita eis primitus dicte necessitatis causa sollerter exigere studeatis et pecuniam sic collectam una cum tota portione temporalia et spiritualia vestra contingente ad Novum Templum London non expectando primum vel secundum terminum salvo et celeriter transmittatis De ceteris vero religiosis et clericis secularibus qui solvere nequeunt festinanter decimam suis terminis sicut alias ordinavimus plenaria colligatis et ipsam ut premisimus London oportunis temporibus destinetis Nam licet inter nos nuper fuisset communiter ordinatum quod quilibet dioecesanus in sua dioecesi collectam pecuniam detineret et mediante mandato nostro ipsam traderet thesaurario ad hoc inter nos specialiter nominato tamen propter necessitates et difficultates varias cum consilio regis comitibus predictis et multis regni proceribus nuper plusquam anxie pertractavimus ordinationem predictam nequimus sine dispendioso circulo quamvis aliud tunc censuerimus observare Valete semper in Christo Datum apud Lamehyth ij nonas Decembris anno Domini millesimo CC nonagesimo septimo Consecrationis nostre quarto