Charter Document - 01760070
| Charter Number: | 01760070 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1297 |
| Date type: | Internal, A.D., Feast |
| Resource Link(s): |
|
Charter:
Circa defectum natalium micias agit auctoritas ecclesie et facilius in eo dispensat pro eo quod non a proprio pervenit reatu sed a statu progenitorum quos plus ligat humana constitutio quam divina Cum igitur Walterus filius Galfridi de Austiby in Scalthorp qui de nativis nostris traxit originem cupiat in sacris ordinibus omnipotenti Deo deservire ipsi illud devotissime deprecanti tenore presentium licenciam duximus concedendum quantum ad nos pertinet quod licite possit ad frugem mollioris vite consolare aut omnes sacros ordines suscipiendo aut religionem statum ingrediendo dummodo id faciat infra triennium proximum sequens a confectione presentium Juravit eciam dictus Walterus tactis sacrosanctis evangeliis quod fidelis erit et devotus ecclesie de Burgo et dominis suis abbati et conventui eiusdem loci nec aliquam ingratitudinis notam committet per quam eisdem possit dampnum provenire In cuius rei testimonium has presentes litteras eidem Waltero fieri fecimus patentes Datum apud Burgum in festo sancti Clementis martiris anno Domini millesimo ducentesimo nonagesimo septimo