Charter Document - 01760067
| Charter Number: | 01760067 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Threat |
| Date: | 1297 |
| Date type: | Internal, A.D., Calendar |
| Resource Link(s): |
|
Charter:
O[livero] Dei gratia Linc episcopo Giffredus de Vesano canonicus cameracensis apostolice sedis nuncius salutem cum omne reverencia et honore Quia sumus circa finem viginti et unus annorum quibus vacavimus circa commissa nobis a dicta sede negotia et de concessis nobis septem solidis diebus singulis per expensas propter inobedienciam multarum ecclesiarum secularium et religiosarum debemus adhuc recipere magnam summam paternitatem vestram auctoritate apostolice que puplica est et notoria et de qua vobis constat cum reverencia qua decet requirimus quatinus singulas seculares collegiatas ecclesias et singulas ecclesias regulares vestre civitatis et dioecesis Cisterciensis et cuiuscumque ordinis que in auctoritate huiusmodi comprehenduntur et earum personas ex parte nostra immo verius apostolica requiratis et moneatis seu requiri et moneri efficaciter faciatis quod singule ipsarum ecclesiarum et earum persone pro vicesimo primo anno more nostre in Anglie septem solidos et totidem pro singulis annis precedentibus pro quibus non solverunt nobis apud Novum Templum London infra instans festum Purificationis sub pena excommunicationis in personas et in ecclesias interdicti sine ulteriori dilatione persolvant et certificetis nos per vestras patentes litteras harum seriem continentes qualiter requisitionem nostram immo verius apostolicam fueritis executi providendo si placet si melius expedire videritis quod illi per quos executionem fieri mandaveritis in retribuendo veraces existant valeat reverenda paternitas vestra presenti et eterno valore Datum Lond iiij nonas Decembris anno Domini millesimo CC nonagesimo septimo