Charter Document - 01760065
| Charter Number: | 01760065 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Acknowledgment |
| Date: | 1299 |
| Date type: | Internal, Feast, Regnal |
| Resource Link(s): |
|
Charter:
Universis sancte matris ecclesie filiis presentes litteras visuris vel audituris Hugo de Clisseby magister hospitalis sancti Thome martiris juxta pontem Stannford eternam in Domino salutem Noverit universitas vestra me recepisse a religioso viro domino W[illelmo] permissione divina abbate de Burgo Sancti Petri domino meo per liberationem magistri Galfridi de Makeseye clerici omnes libros meos jocalia et omnia utensilia aenea et lignea et ceteras res minutas in camera et cistis meis existentes ac eciam in aula cellario coquina pistrina in custodia ministrorum dicti domini abbatis dimissa et per ipsos inventa domibus predictis in hospitale predicto et ea omnia plenaria mihi fateor esse restituta prefatum dominum abbatem et ceteros ipsius ministros huius rerum custodiendos deputatos ab omni actione eisdem inposterum faciendos ea occasione predicta tenore presentium invocans per presentes quietos In cuius rei testimonium presentibus sigillum meum est appensum Et ad majorem evidenciam sigillum decanati de Nasso Burgi presentibus procuravi apponi Datum apud Stannford die Martis proxima post festum sancti Petri ad vincula anno regni regis Edwardi vicesimo septimo