Charter Document - 01760064

Alexander episcopus servus servorum Dei dilecto filio Brandoni salutem et apostolicam benedictionem Dignum est et consentaneum rationi ut eorum justis desideriis animamus qui relictis pompis secularibus caritatis operibus intendunt et omnipotenti Domino elegerunt jugi devotione servire Intelleximus autem ex transmissa nobis insinuatione tua quod tu divina inspiratione ductus venundatis omnibus que possidebas hospitale quoddam et capellam ad honorem Dei et beati Johannis et gloriosi martiris Thome quondam Cantuariensis archiepiscopi in capite pontis de Stanford ex australi parte ad receptionem peregrinorum et pauperum per locum illum frequenter transeuntium Edificasti ubi elegisti creatori tuo perpetuum famulatum exhibere Inde est quod nos ob reverenciam Dei et predictorum sanctorum et devotione quam erga ipsos te habere ostendis rationali postulationi tue libencius annuentes prescriptum hospitale capellam cum omnibus que idem hospitale inpresentiarum rationabiliter possidet aut in futurum largitione pontificum oblatione fidelium seu aliis justis modis prestante Domino poterit adi pisti sub beati Petri et nostra protectione suscipimus et presentis scripti patrocinio communimus Statuentes ut predicti capella proprium capellanum cantariam cimiterium et in eodem cimiterio liberam sepulturam debeat sine contradictione qualibet optinere Deservimus ergo ut nulli omnino homini liceat predictum hospitale temere perturbare vel quibuslibet in debitis vexationibus fatigans seu hanc paginam nostre protectionis et constitutionis infringere aut ei aliquatenus contraire Siquis autem hoc attemptans presumpserit indignationem omnipotentis Dei et beatorum Petri et Pauli apostolorum eius se noverit incursurum Data Anagnie nonas Februarii