Charter Document - 01760063

Universis presentes litteras inspecturis abbas de Burgo Sancti Petri et eiusdem loci conventus salutem in Domino sempiternam Noveritis quod cum secundum formam sufferencie inter magnificos principes dominum nostrum Edwardum Dei gracia regem Anglie illustrem adjutores confederatos homines et subditos suos ex parte una et Philippum regem Francie adjutores confederatos homines et subditos suos ex altera a festo epiphanie Domini proximo preterito usque ad duos annos proximo sequentes super guerra inter eos dudum exorta inite et firmate concordatum fuerit quod omnes capti hinc inde hostagientur ac inter alios nobilis vir dominus Johannes de Sancto Johanne captus in carcere dicti regis Francie teneatur expeditione reipublice Anglicane Nos abbas predictus de Burgo Sancti Petri et eiusdem loci conventus considerantes ac eciam attendentes quod pium sit necnon licitum debitum et honest pro hostagiamento et liberatione ipsius bona monasterii nostri exponere obligare et si necesse fuerit distrahere ratione laudabilis defensionis pro utilitate regni et reipublice Anglicane per eum inpense ac servicii per consequens toti ecclesie Anglicane exhibiti in hac parte presertim cum ad hostagiamentum et liberationem predictam sue non suppetant facultates Coppe Josep de Societate Friscobaldorum Villano Stoldi de Societate Circulorum Nigrorum Melior Pistoleys de Societate Amenatorum de Pistorio Arbor Bernadino de Societate Bonseniorum de Cenis Reyner Balinzon de Societe Pullicum Gwidoni Bardi de Societate Spinarum Philippo Borgu de Societate Mosorum mercatoribus et eorum sociis et societatibus heredibus executoribus et assignatis eorum qui mercatores se pro hostagiamento et liberatione prefati domini Johannis ad mandatum et preces predicti domini nostri regis et nostras predicto regi Francie in viginti milia librarum parvorum Turonen obligabunt obligamus nos successores nostros monasterium nostrum bonaque ipsius in quingentis marcis bonorum et legalium sterlingorum solvendis vel inde alias ad satisfaciendum eisdem vel alteri eorundem apud Novum Templum London infra quinden purificationis beate Marie anno Domini MCC nonagesimo nono sine ulteriori dilatione in eventum si prefatos mercatores vel eorum socios seu societates contigerit obligari vel solvere dicto regi Francie pecuniam antedictam super quilibet obligatione et solucione credatur sepe dictis mercatoribus vel uni de societate eorum simplici verbo eorundem absque alterius onere probationis necnon ad refusionem omnium dampnorum et expensarum et interesse que et quas dicti mercatores vel eorum aliquis aut eorum attornati seu assignati incurrerint et fecerint pro defectum solutionis pecunie predicte sicut eorum aliquis suo simplici verbo tantum sine juramento vel alia probatione dicere voluerit subicimus eciam nos ecclesiam nostram et successores nostros jurisdictioni et cohercioni auditor [] arum camere domini pape suique commissar qui pro tempore fuerit ut possit nos ecclesiam nostram et successores nostros sine strepitu judiciali et figura judicii sede plena vel vacante unica tamen monitione premissa omni apellatione postposita per excommunicationis seu interdicti sententias ad omnium premissarum observationem compellere renunciantes in premissis omnibus et singulis pro nobis ecclesia nostra et successoribus nostris omni juris auxilio canonici et civilis privilegio clericatus et fori omni libertati consuetudini et statuto regie prohibitioni et protectioni conventioni judicium et locorum contradictioni litterarum apostolicarum beneficio restitutionis in integrum novarum constitutionum beneficio in factum actioni conditioni indebiti et sine causa et ex injusta causa omni appellationis remedio omni tempori feriato juri revocandi domum privilegio Anglicis concesso ne trahantur extra regnum Anglie ad causas per litteras apostolicas petitionem copie presencium litterarum juri dicenti nisi creditores probaverint pecuniam in servicium ecclesie esse conversam aliter quam per litteras conventionales quod illiterata repetere non possunt Et specialiter indulgencie si quam habemus vel nos aut successores nostros in futurum habere contigerit quod excommunicari suspendi vel interdici nequeamus aut non nisi in certo loco coram certo judice nec extra regnum Anglie nec citra mare vel extra certam dioecesem ad modicum evocari nisi de speciali mandato apostolico faciente plenam et expressam de indubio huiusmodi mentionem Omnibus constitutionibus et statutis editis et edendis et precipue constitutioni facte per dominum Bonefacium papam octavum ne aliquis extra suam dioecesem trahatur ad causas omni inhibitionis cuiuscumque principis omnibus litteris graciis et privilegiis apostolicis nobis et ecclesie nostre concessis et concedendis juri dicenti generalem renunciationem non valere et omnibus exceptionibus et defensionibus que de jure vel de facto contra premissa vel eorum aliquid ratione aliqua obici possent vel opponi et que nobis et successoribus nostris possent prodesse et predictis mercatoribus sociis ac eorum heredibus seu eorum alicui aut attornatis seu assignatis suis quoquo modo nocere In quorum omnium testimonium presentibus sigilla nostra sunt appensa Datum in capitulo nostro apud Burgum vij idus Maii anno regni regis Edwardi xxvj