Charter Document - 01760059
| Charter Number: | 01760059 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1297 |
| Date type: | Internal, Feast, Regnal |
| Resource Link(s): |
|
Charter:
Anno regni regis Edwardi vicesimo sexto in festo sancti Andree apostoli ita convenit inter abbatem et conventum de Burgo Sancti Petri ex parte una et dominum Johannem rectorem ecclesie de Scoter ex altera videlicet quod predicti abbas et conventus tradiderunt concesserunt et dimiserunt predicto rectori quoddam toftum in villa de Scoter jacens juxta mesuagium predicti rectoris ex parte occidentali quod quidem toftum Henricus ad ecclesiam quondam tenuit tenendum et habendum predicto rectori et successoribus suis predicte ecclesie rectoribus inperpetuum reddendo inde annuatim predictis abbati et conventui et eorum successoribus quinque solidos sterlingorum ad duos anni terminos videlicet ad Pascha duos solidos et sex denarios et ad festum sancti Michaelis duos solidos et sex denarios pro omnibus serviciis exactionibus et secularibus de mandis Et liceat predictis abbati et conventui et eorum successoribus in predicto tofto districtiones facere si quod absit predictus annuus redditus suis terminis non fuerit persolutus usque ad plenarium satisfactionem omnium arreragiorum Et si per biennium a solutione dicti redditus fuerit cessatam liceat predictis abbati et conventui et eorum successoribus predictum toftum ingredi et tenere et de eo pro voluntate sua disponere absque contradictione vel clamio predicti rectoris vel successorum suorum inperpetuum In cuius rei testimonium huic presenti scripto ad modum cyrographi confecto sigilla partium alternatim sunt apposita Datum apud Burgum in festo supradicto et anno prenotata