Charter Document - 01760058

R[obertus] Dei gracia Cantuar archiepiscopus tocius Anglie primas venerabili fratri domino R[icardo] Dei gratia London episcopo salutem et fraternam in Domino caritatem Casus repentini cuius occasione regni et ecclesie Anglicane magnum timetur periculum imminere recens et inopinatus eventus nos licet anxios et invitos impellit extra propositum preconceptum prelatos et clerum nostre provincie licet per similia de quo dolemur et angimur sepius fatigatos et pro eiusdem regni et ecclesie atque cleri periculo propulsando cum festinatione consulere et id modis omnibus prout eciam cum quibusdam nostris coepiscopis et aliis sapientibus deliberatione habita censuimus convocare Nuper siquidem in parliamento London ubi cum optimatibus et regni proceribus varia tractavimus negotia ut decebat rumor validus atque recens tam per litteras celeriter missas quam eciam per constantem relatum domini comitis de Warrenna principalem custodem per dominum regem Anglie inhibui deputati et aliorum inde celeriter reversorum quorum fida reputatur assercio noviter incurrit quod Scottorum exercitus in multitudine maxima copiosus totum regnum Scotie usque ad fines eiusdem versus Angliam occupans et cum strage maxima Anglorum etati ac sexui non parcendo iam regnum Anglie veraciter ut dicitur et constanter asseritur est ingressus ipsum regnum Anglie nisi eis bellatorum promptum preparetur obstaculum pro suis viribus vastaturus in tantum quod maxima pars communitatis Northumbr usque ad villam Novi Castri pretanti timore periculi ad partes certiores se transtulit et bona sua quatenus eis facultas patuit nudata fere patria iam transvexit propter quod dominus noster filius domini regis karissimus cuius juramento fidelitatis astringimur et regni proceres super hiis artissima revolutione tractantes a nobis et quibusdam nostris coepiscopis ibidem presentibus affectuose petebant ut in tam grandi et evidenti periculo sicut premittitur imminente nos et ceteri prelati aut clerus Anglie quibus sicut ceteris dicitur in hac parte patere necessitas consilium oportunum et efficax presidium impendere curaremus unde cum id fieri aut super hoc congrue responderi non possit illorum quorum interest convocatione debita pretermissa fraternitati nostre committimus et mandamus quatinus nostros coepiscopos et confratres cum celeritate qua poteritis convocatis et per episcopos ipsos dictum clerum quatenus eis subicitur convocari mandetis videlicet ut ipsi episcopi et decani ac priores in ecclesiis cathedralibus presidentes personaliter ceteri vero abbates et priores cuiusque dioecesis pro se et conventibus suis per se aut per procuratorem sui ordinis et reliqua cleri communitas similiter cuiusque dioecesis Wallie videlicet per unum Anglie vero quatenus nostra provincia se extendit per duos et capitula cathedralium ecclesiarum per unum procuratores ydoneos et instructos die sancti Edmundi regis et martiris una cum diebus sequentibus usque ad finalem expeditionem tractatus apud Novum Templum London compareant nobiscum et cum ceteris ut premittitur convocandis super hiis tractaturi qualiter dicta possunt precaveri pericula provisuri necnon incertam formam inibi providendam concorditer consensuri facturique ulterius quod ad expeditionem ydoneam pertinere videbitur premissorum Interim vero dicti episcopi cum suis conciliis ceteri vero prenotati similiter modo quo melius expedire prospexerint plene deliberent et pertractent tam de auxilio licito quam de modo et de hiis omnibus procuratores et alii ut supra mittendi plenius instruantur ut ad diem et ad locum predictos suum possint super hiis deliberatius explicare concilium et quod exigendum extiterit sine mora plenius expedire Religiosos autem exemptos per dioecesanos locorum ad id idem rogari et premuniri congrue de mandetis Et vos ipse dictis die et loco vestram exhibeatis ad premissa presenciam personalem vestros que subditos in forma prescripta faciatis similiter interesse Denunciatis dictis coepiscopis et per eos suos subditos sic vocandos faciatis ydonee premuniri et vos similiter de eodem premunimus quod absentes in citatione predicta nisi evidens et inevitabile inpedimentum sufficienter probetur tamquam in obedientes graviter puniemus De die vero receptionis presentium et quid in premissis feceritis ac de nominibus sic citatur nos dictis die et loco quatenus ad vos attinet ydonee certificetis per vestras patentes litteras harum seriem continentes et ceteris coepiscopis antedictis ut nos similiter ipsis die et loco singuli singillatim de facto suo certificent injungatis Valete semper in Christo Datum apud Lameheth idus Octobris anno Domini MCC nonagesimo septimo Consecrationis nostre quarto