Charter Document - 01760054
| Charter Number: | 01760054 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1258 |
| Date type: | Internal, A.D., Calendar |
| Resource Link(s): |
|
Charter:
Universis Christi fidelibus presens scriptum visuris vel audituris Johannes Dei gracia abbas de Burgo Sancti Petri et eiusdem loci conventus salutem in Domino Noverit universitas vestra nos unanimi assensu tradidisse ad feodum firmam et concessisse priorisse sancti Michaelis extra Stannford et monialibus eiusdem loci totum molendinum nostrum cum suis pertinenciis quod habuimus in Stannford habendum et tenendum de nobis et successoribus nostris dictis priorisse et monialibus et earum successoribus bene et in pace libere inperpetuum reddendo inde annuatim nobis et successoribus nostris decem marcas argenti ad duos terminos anni scilicet ad festum sancti Michaelis quinque marcas et ad Pascha quinque marcas pro omni servicio exactione et omnimoda alia seculari demanda Et nos et successores nostri dictis priorisse et monialibus et earum successoribus dictum molendinum cum suis pertinenciis contra omnes gentes per predictum servicium warantizabimus acquietabimus et defendemus inperpetuum Et si contigerit aliquo casu quod dicta priorissa et moniales vel earum successores in solutione decem marcarum predictarum ad terminos predictos defecerint licebit dictis abbati et conventui et eorum successoribus dictam priorissam et moniales vel earum successores pro voluntate sua distringere per omnes terras suas et omnia bona sua in comitatu Norhampton et alibi donec de predictis decem marcis dictis abbati et conventui vel eorum successoribus plenaria fuerit satisfactum In cuius rei testimonium presenti scripto in modum cyrographi confecto sigilla alterutrum sunt apposita Ita quod parti penes dictam priorissam et moniales residenti sigilla nostra sunt apposita et parti penes nos residenti sigillum dominarum priorisse et monialium est appensum Datum anno gracie MCCLVII mense Februarii