Charter Document - 01760053
| Charter Number: | 01760053 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Grant |
| Date: | 1296 |
| Date type: | Internal, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris Willelmus de Beaumeys in Crowethorp juxta Undel in comitatu Norht salutem Noveritis me concessisse abbati et conventui de Burgo Sancti Petri et eorum successoribus pro me et heredibus meis inperpetuum quoddam aysiamentum obstruendi et reparandi cursum aque ad molendinum suum in Undel super solum meum in Crowethorp prout commodius pro commodo molendini sui predicti viderint expedire sine calumpnia vel inpedimento mei vel heredum meorum inperpetuum Ita quod predictus abbas nec successores sui nichil exigere vel clamare poterunt in predicto solo meo nisi tantum modo aysiamentum predictum Et quod liceat predictis abbati et conventui et eorum successoribus in solo prati mei ibidem manuoperari ad obstructionem et defensionem cursus aque predicte pro commodo molendini sui predicti dum tamen per exitum aque dampnum ibidem non eveniat prato meo Quod si contingat ad sumptus predictorum abbatis et conventus emendetur In cuius rei testimonium presenti scripto in modum cyrographi confecto sigilla partium alternatim sunt appensa Datum apud Burgum Sancti Petri in festo sancte Katerine virginis anno regni regis Edwardi vicesimo quinto