Charter Document - 01760051

Uniuersis Christi fidelibus presens scriptum uisuris uel audituris Ricardus de London miseracione diuina abbas de Burgo Sancti Petri salutem in Domino sempiternam Nouerit uniuersitas uestra nos concessisse ordinasse et statuisse pro nobis et successoribus nostris perpetuis temporibus obseruandum ad honorem Dei et utilitatem tam hospitalitatis quam elemosina ac religionis augmentum pacem et quietem tam obedienciariorum quam tocius capituli nostri quod conuentus decetero habeat granarium per se suis sumptibus construendum et reparandum et quod custos granarii predicti de communi consilio constitutus recipiat de granario abbatis qui pro tempore fuerit totam liberacionem que ad conuentum spectare consueuit secundum antiquam assisam frumenti et brasii cuiuscunque generis bladi fuerit per dictum custodem distribuendum et in usus pios conuertendos Ita quod custos qui pro tempore fuerit habeat electionem tocius frumenti abbatis brasii et pisarum secundum assisam predictam uidelicet de frumento singulis diebus unum quartarium et unum esk per mensuram sepe dictam et singulis ebdomadis dimidium quartarium et dimidiam esk frumenti de assignatione domini Roberti de Lyndeseye quondam abbatis pro octo monachis per ordinationem suam ad conventum augmentatis preter particulares donationes que distribuuntur in principalibus festis et in die absolutionis ad mandatum et preter alias particulas minutas que sepe contingunt per annum Idem eciam custos percipiet de braseo singulis ebdomadis quando braciatur de puro ordeo octodecim quartario et quinque esk de braseo ordei Quando autem braciatur de ordeo et drageo tunc percipiet in ebdomada viginti et unum quartario et quinque esk et dimidiam videlicet de braseo ordei ad grutmalt vij quartario et dimidium et de drageo xiiij quartario j esk et dimidiam Quando vero braciatur de maysmalt quod est pro majori parte avena tunc percipiet in ebdomada viginti et quatuor quartario unum esk et dimidiam videlicet de braseo ordei vij quartario et dimidium et de maysmalt xvj quartario v esk et dimidiam Percipiet eciam qualibet ebdomada unum quartarium de braseo ordei ex dono et concessione nostro preter assisam brasei supra notatam Et si aliquid predictorum frumenti brasei vel pisarum ad opus conventus minus utile fuerit queratur in villa vel alibi quod melius poterit inveniri ad custus abbatis Volumus eciam ordinamus et statuimus quod conventus decetero habeat omnes proventus et utilitates secundum capituli ordinationem que poterunt provenire de omnibus et singulis supra notatis Ita quod dictus conuentus per abbatem et ministros suos qui pro tempore fuerint omni solacio et quiete gaudeat ut decet suo perpetuo Et ne aliquis abbas futurus ad ulteriorem liberationem teneatur ex debito nisi aliquid facere uoluerit graciose nec ad excusacionem predicte liberacionis faciende nec ad retardationem subtractionem seu diminutionem aliquam obstare ualeat uacacio abbacie aut caristia uel defectus cuiuscumque bladi quin liberacio predicta custodi granarii conuentus ad suam et suorum sustentationem et consuetam hospitalitatem faciendam plene fiat sine aliqua diminucione Si uero placuerit et opportunum uideatur conuentui pistrinum et bracinum habere separatum bene liceat eidem noua construere in loco competenti sine contradictione cuiuscumque et famulos sibi in ipsis ordinare et suis sumptibus sustentare Volumus eciam ut conventus habeat liberam multuram infra abbaciam sicut antiquitus habere consuevit Et si extra abbaciam propter aliquam necessitatem molere oporteat si ad molendinum qui ad abbatem spectat molere contingat nihilominus a multuro liberi sint Et ut ista ordinatio et concessio nostra perpetue firmitatis robur optineat presens scriptum sigilli nostri una cum sigilli capituli apposicione roborauimus Data []