Charter Document - 01760050
| Charter Number: | 01760050 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Manumission |
| Date: | 1278 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus ad quos presens scriptum pervenerit Ricardus permissione divina abbas de Burgo sancti Petri et ejusdem loci conventus salutem in domino sempiternam Noverit universitas vestra nos manumisisse et ab omni jugo servitutis liberasse Willielmum filium Ricardi de Wythington quem aliquo tempore pro nativo nostro habuimus cum tota sequela sua et omnibus catallis suis ita quod nec nos nec successores nostri aliquid juris vel clamii in predicto Willielmo sequela sua seu catallis suis exigere seu clamare poterimus sed ipse Willielmus et tota sequela sua cum omnibus catallis suis liberi et quieti remaneant absque inquietatione exactione seu clamio aliquo nostri et successorum nostrorum ratione alicujus servitutis inperpetuum Volumus etiam et concedimus quod ipse et heredes sui mesuagia terras redditus et prata in Wytherington que antecessores sui tenuerunt de nobis et antecessoribus nostris dando et facienda finem qui appellatur merchet pro filiabus suis maritandis et auxilium de anno in annum pro voluntate nostra decetero habeant et teneant de nobis et successoribus nostris libere quiete pacifice et hereditarie reddendo inde nobis et successoribus nostris annuatim quadraginta solidos sterlingorum ad quatuor anni terminos videlicet ad nativitatem sancti Johannis Baptiste decem solidos ad festum sancti Michaelis decem solidos ad natalem Domini decem solidos et ad Pascham decem solidos pro omni servitio exactione consuetudine et demanda seculari salvis tamen nobis sectis curie nostre de Castre de tribus septimanis in tres septimanas wardis et releviis et forinseco domini Regis cum acciderint Et si contingat dictum Willielmum vel heredes suos sine herede aliquo tempore decedere dicta mesuagia terra redditus et prata cum pertinenciis nobis et successoribus nostris plene et integre revertentur Nec licebit dicto Willielmo vel heredibus suis dicta mesuagia terram redditus prata vel eorum aliquam partem dare vendere alienare invadiare seu aliquo modo incumbrare quo minus dicta mesuagia terra redditus et prata predicta in forma supranominata nobis et successoribus revertantur quod si secus fecerint factum suum penitus cassetur et quod inde alienatum fuerit nobis et successoribus nostris incurratur In cujus rei testimonium huic scripto in modum cyrographi confecto ad majorem securitatem sigilla alternatim sunt appensa Hiis testibus [] Datum apud Burgum ob amorem domini Roberti bone memorie quondam abbatis predecessoris nostri et avunculi dicti Willielmi et ad instantiam boni viri fratris Hugonis de Sutton germani dicti domini Roberti abbatis anno domini MCC septuagesimo octavo in vigilia Pentecoste