Charter Document - 01760048
| Charter Number: | 01760048 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Confirmation |
| Date: | 1191 - 1194 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quorum audienciam presens scriptum pervenerit Willelmus Dei gracia abbas sancti Nicholai Andegavensis totusque eiusdem loci conventus salutem in Domino Noverit universitas vestra nos ratam habere transactionem factam in presencia domini Hugonis Lincolniensis episcopi inter B[enedictum] abbatem Burgi et eiusdem loci conventum et Nicholaum priorem et monachos de Spalding super ecclesia de Haltebarg et una carucata terre in eadem villa et duabus bovatas terre in Walecote super quibus iam dicti abbas et conventus Burgi predictos priorem et monachos de Spalding per litteras bone memorie Clementis pape traxerunt in causam Ratam eciam habemus renunciationem ecclesie de Normanneby cum omnibus pertinenciis factam a memoratis priore et monachis de Spalding Retentis tamen sibi decimis de dominio eiusdem ville quas prius habuerunt sicut scripta coram prefato Lincolniensi episcopo et Lincolniensi capitulo inde confecta testantur Confirmamus insuper sepe dictis abbati et conventui de Burgo annuum redditum ipsius a priore et monachis de Spalding debitum pro prenominatis carucata terre in Haltebarg et duabus bovatas terre in Walecote unam scilicet marcam que solvetur ad firmam de Walecote singulis annis in duobus terminis in nativitate Domini et in nativitate sancti Johannis baptiste Et preterea tres solidos et tres panes de astivello que solventur monasterio Burgi in passione apostolorum Petri et Pauli annuatim apud Burgum sicut carte inter eos confecte testantur Quod ut ratum habeatur et inconcussum presentis pagine inscriptione et sigillorum nostrorum appositione duximus corroborandum