Charter Document - 01760047
| Charter Number: | 01760047 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Obligation |
| Date: | 1186 - 1193 |
| Date type: | Assigned |
| Resource Link(s): |
|
Charter:
Universis sancte matris ecclesie filiis ad quorum audienciam presens scriptum pervenerit Nicholaus prior de Spalding totusque eiusdem loci conventus salutem in Domino Noverit universitas vestra nos debere solvere singulis annis monasterio sancti Petri de Burgo pro una carucata terre in Haltebarg et pro una bovata terre in Walecote quas de eodem monasterio tenemus unam marcam argenti ad firmam de Walecote ad duos terminos dimidiam marcam videlicet in nativitate Domini et dimidiam marcam in nativitate sancti Johannis baptiste Et preterea solvemus eidem monasterio singulis annis in passione apostolorum Petri et Pauli apud Burgum tres solidos et tres panes de astivello quod ut perpetue firmitatis robur optineat presenti scripto et sigilli nostri testimonio com munivimus