Charter Document - 01760043
| Charter Number: | 01760043 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Lay |
| Charter Type(s): | Grant |
| Date: | 1230 |
| Date type: | Internal, A.D., Feast |
| Resource Link(s): |
|
Charter:
Universis sancte matris ecclesie filiis presens scriptum visuris vel audituris Henricus Foliot de Luffenham salutem in Domino Noverit universitas vestra me divine pietatis intuitu pro salute anime mee et antecessorum meorum dedisse et concessisse et hac presenti carta mea confirmasse Martino Dei gratia abbati de Burgo et eiusdem loci conventui duas acras terre arabilis in territorio de Stowe cum omnibus pertinenciis et libertatibus ad predictam terram pertinentibus Quarum una jacet super Brochow inter terram Briani de Stowe filii Swane ex parte orientali et terram Hugonis filii Walteri de Trikingham ex parte occidentali et dimidia acra versus campum de Horbeling inter terras predicti Hugonis filii Walteri ex parte orientali et occidentali et alia dimidia acra similiter versus campum de Horbeling que jacet inter terram prenominati Briani ex parte occidentali et terram Girardi de Stowe ex parte orientali Habendas et tenendas sibi et successoribus suis libere et quiete et pacifice in puram et perpetuam elemosinam inperpetuum Ego vero et heredes mei predictas duas acras cum pertinenciis predictis abbati et conventui warantizabimus et defendemus contra omnes homines inperpetuum Et ut hec mea donatio concessio et confirmatio rata et inconcussa permaneat ad futurorum memoriam huic scripto sigillum meum apposui Hiis testibus [] anno ab incarnatione Domini MCCXXX ante festum sancti Michaelis