Charter Document - 01760029
| Charter Number: | 01760029 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Notification |
| Date: | 1297 |
| Date type: | Internal, A.D., Calendar |
| Resource Link(s): |
|
Charter:
Noverint universi Sancte matris Ecclesie filii quod cum frater Willielmus de Wodeford Abbas Monasterii de Burgo Sancti Petri dum in officio Sacristie Monasterii predicti fuisset constitutus ac manerium de Suthorp cum pertinentiis quod pro duobus feodis militarie respondet non sine corporali labore et mentalibus augustiis nec absque solucionibus et expensis sumptuosis tantummodo de predicto officio Sacristie provenientibus perquisisset Demum dicto fratre Willielmo in Abbatem creato de communi et unanimi assensu totius Capituli de Burgo Sancti Petri per predictum abbatem assignatum est predictum Manerium cum pertinentiis officio Sacristie predicte et integraliter et perpetue annexum Ita quod Sacrista qui pro tempore fuerit singulis annis solvet Conventui de Burgo aut receptoribus suis viginti libras sterlingorum ad quatuor terminos anni videlicet ad Natale Domini centum solidos et ad Pascha centum solidos et ad festum Sancti Johannis Baptiste centum solidos et ad festum Sancti Michaelis centum solidos sine dilatione vel diminutione faciend etiam tam servicia regalia quam militaria debita et consueta De predictis autem viginti libris ordinatum est et statutum de communi consensu et voluntate Abbatis et tocius Conventus quod quadraginta solidi cedant in recreationem Conventus et distributionem pauperum ad Anniversarium predicti Willielmi Abbatis pro equali porcione inperpetuum et vivente predicto Abbate singulis annis die statuendo ab eodem fiat distributio predictorum quadraginta solidorum ad profectum tam Conventus quam pauperum De prefatis vero viginti libris allocabuntur Sacriste qui pro tempore fuerit singulis annis quatuor libre quas Alicia de Sancto Medardo in Badington recipit de manerio de Pylesgate quamdiu vixerit videlicet singulis terminis viginti solidos In cujus rei testimonium presenti scripto in modum Cyrographi confecto Sigilla predictorum Abbatis et Conventus sunt appensa Datum apud Burgum in Capitulo Conventuali quarto decimo kalendas Junii Anno Domini MCC nonagesimo septimo