Charter Document - 01760020
| Charter Number: | 01760020 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Assignment |
| Date: | 1295 - 1299 |
| Date type: | Assigned |
| Resource Link(s): |
|
Charter:
Notum sit omnibus presens scriptum visuris vel audituris quod cum celerarius Abbatis de Burgo recipere solebat annuatim ad festum Apostolorum Petri et Pauli de maneriis conventus ejusdem loci videlicet Alwalton et Fletton pro consuetudine de Wethersilver sex decem solidos et sex denarios ut patet in rotulis compoti dictorum officiorum frater Willielmus Monasterii de Burgo Sancti Petri miseratione divina Abbas et Minister portionem conventus sui cupiens augmentare absque dampno successoribus suis predicti Monasterii abbatibus futuris faciendo advertens eciam statum quorundam maneriorum ad portionem abbatis spectantium per sui temporis industriam in tantum accrevisse quod bene licuit ei et decuit predicta Maneria conventus sui ab omni solutione ac prestatione liberare non obstante alicujus murmuracione vel obloquio predictos sex decem solidos et sex denarios prefato conventui suo assignavit perpetuis temporibus de predictis duobus maneriis per manus celerari conventus qui pro tempore fuerit in festo Apostolorum Petri et Pauli singulis annis recipiendos et possidendos ita videlicet quod celerarius conventus qui pro tempore fuerit retineat penes se ratione officii sui tres solidos et duos denarios pro exitibus multonum quos vendicare consuevit de lardario Abbatis ad predictum festum vel tres solidos ita quod decetero nichil occasione predicta clamare poterit inposterum Idem vero Celerarius conventus liberabit singulis annis ad predictum festum receptoribus conventus unam marcam ad Anniversarium predicti Willielmi Abbatis tam in solatio conventus quam in elemosina pauperum pro equali portione distribuendam In cujus rei testimonium []