Charter Document - 01760009
| Charter Number: | 01760009 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Provision |
| Date: | 1299 - 1322 |
| Date type: | Assigned |
| Resource Link(s): |
|
Charter:
Omnibus Christi fidelibus [] Noverit universitas vestra nos unanimi consensu retinuisse magistrum Galfridum de Makeseye clericum in obsequio monasterii nostri eidem que pro negotiis dicti monasterii gestis et gerendis unanimiter concessisse competentem sustentationem suam in domo nostra quo advixerit percipiendam Ita videlicet quod victualia percipiat in mensa abbatis qui pro tempore fuerit cum monachis et clericis illuc residentibus Habebit eciam duos garciones in aula abbatis ad mensam in comitiva garcionum aliorum clericorum abbatis victualia sua cum eisdem percipientes cum idem magister Galfridus presens fuerit Habebit eciam duos equos ad sumptus eiusdem abbatis prout alii clerici habuerint dum residens fuerit infra abbaciam Percipiet eciam singulis annis plenam robam videlicet dimidium pannum secundum quod de nundino venerit cum pellura congruenti Percipiet eciam annuatim quadraginta solidos sterlingorum de camera abbatis ad quatuor terminos usuales Et viginti solidos de portione conventus ad eosdem terminos Ista omnia percipiet magister Galfridus quamdiu in negotiis nostris laborare poterit et equitare Si vero aliquo morbo laboraverit incurabili tunc sustentationem percipiet corporalem in victualibus competentem sine equis cum uno garcione tamen et una roba de sex ulnis panni cum una pellura Percipiet eciam viginti solidos annuatim ut predictum est de portione conventus Pro hac autem receptione et perceptione dictus magister Galfridus tactis sacrosanctis evangeliis juravit promisit et se obligavit quod negotia predicti monasterii diligenter prosequetur procurabit et prominebit sumptibus abbatis vel conventus prout negotia fuerint distinata absque difficultate et dissimulatione Alioquin de dampnis et jactura predictis abbati et conventui pro suo defectu contingentibus secundum regem et consuetudinem regni respondebit Secreta sibi revelata sub sigillo confessionis celatur In cuius rei testimonium tam predicti abbas et conventus quam predictus magister Galfridus huic scripto conventionali in modo chirographi confecto alternatim sigilla sua apposuerunt Datum []