Charter Document - 01760008
| Charter Number: | 01760008 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Sale |
| Date: | 1296 |
| Date type: | Internal, Calendar, Feast, Regnal |
| Resource Link(s): |
|
Charter:
Omnibus Christi fidelibus presens scriptum visuris vel audituris frater Willelmus permissione divina abbas de Burgo Sancti Petri salutem in Domino sempiternam Noveritis me vendidisse concessisse et per presentes confirmasse Elicie que fuit uxor Ricardi le Benecok de Burgo pro quadam summa pecunie quam mihi dedit per manibus maritagium Willelmi filii et heredis predicti Ricardi et wardam terrarum eiusdem Ricardi que per mortem ipsius et minorem etatem predicti heredis ad abbatem de Burgo tanquam ad capitalem dominum feodi illius spectant Tenenda et habenda usque ad plenam et legitimam etatem predicti heredis sine vasto aut destructione facienda cum liberatione infra abbaciam recipienda ad predictam wardam pertinente Et faciendo plenaria servicium quod ad predictum feodum pertinet Et si contingat quod predictus Willelmus ante plenam et legitimam etatem suam in fata discesserit dicta Elicia habebit wardam et maritagium alterius heredis subsequentis usque ad plenam et legitimam etatem suam In cuius rei testimonium presentibus sigillum meum apponi feci Datum apud Burgum die Veneris proxima post festum sancti Marci evangeliste anno regni regis Edwardi xxiiij