Charter Document - 01760005
| Charter Number: | 01760005 |
|---|---|
| Cartulary Title: | The White Book of Peterborough. The Registers of Abbot William of Woodford, 1295-99 and Abbot Godfrey of Crowland, 1299-1321. |
| Charter Language: | Latin |
| Charter Origin: | Religious |
| Charter Type(s): | Permission |
| Date: | 1296 |
| Date type: | Internal, A.D., Feast |
| Resource Link(s): |
|
Charter:
Omnibus Christi fidelibus presentes litteras visuris vel audituris frater Willelmus permissione divina monasterii de Burgo Sancti Petri minister humilis salutem in auctore salutis Cum frater Johannes de Hale monasterii de Burgo monachus ordinis sancti Benedicti nulla que conjecturari potuit levitate seu temeritate ductus sed ut creditur divinitus inspiratus religionem affectaverit artiorem frugem concupiscens vite melioris ac religiosi viri abbas et conventus de Pippewell ordinis Cistersiensis eundem fratrem suo ferventi moti desiderio necnon ex affectione hactenus erga monasterium de Burgo habita specialiter inducti in sua religiosa congregatione recipere sint parati dictum fratrem Johannem ut ordinem Cistersiensem in predicto monasterio de Pippewell libere profiteri valeat et observare de fratrum meorum consilio et assensu licencio per presentes has litteras dimissorias eidem de predictorum fratrum consilio et assensu faciens testimoniales Datum apud Burgum in crastino ascensionis Domini anno gracie MCC nonagesimo sexto